Logo PBV
   
   
Naar 
home
page

foto 1

   
   

SOSIEDAT DI MEIDO

PARTIJ BURGERS IN VRIJHEID
De partij van doen en minder praten!
 
 
 
Partij Burgers in Vrijheid 'PBV'
E-mail: partijburgersinvrijheid#gmail.com
Tel: 560-3914 



Miedu òf kouteloso? Bo por mira i sinti; hendenan tin miedu. Nan ta keda ketu ora bo dirigí palabra na nan i nan no ta sali abierto bin afó pa nan opinion. Nos tin nos mes opinion pero nos no ta dùrf di bisé públikamente. Hasta ora tin diskushon bo ta ripara ku ta usa nòmber falsu òf nan ta skonde tras di adrès ku ta fake. Ta parse ku ta tur kos ta basá riba miedu.

Pakiko hende tin asina tantu miedu? Opvio ta ku bo no ta liber di duna bo mes opinion, no ta eksistí demokrasia. Spesialmente ora e kaso ta algu polítiko òf ta trata di nòmbernan pisa. Abo ta ataka nos, nos ta kibra bo.(den sentido figura) Den sentido literal esei lo sosedé na final ora di bèrdat bo sa di mas òf bo ta bira muchu ferfelu. Pa e tempu ei kasualmente lo tin bala pèrdí ku ta nèt abo nan ta kontra òf ora ku bo ta landando bo ta haya kramp òf ta nèt bo boto ta zink.

E miedu ta bon pega den nos kurpa i mas nos ta haña e tendensia di aktua manera ta kustumber den un mundu di mafia. Bo ta bai segun nos regla i nos ta ofresé bo e luho òf bo ta bai kontra nos i nos lo krea un bida manera fièrnu pa bo.

Delaster añanan mafia ta masha aktivo riba e islanan aki i e Italianonan hopi famoso ta bishita regularmente nan peonnan riba e baranka aki. Wèl, no ta solamente e Italianonan pero tambe tin mas grupo ku ta dirigí i dominá e polítika. Nos ta papia over di mafia Chines, Hindú, Hulandes, Amerikano, Palestino, Hudiu, i Libanes. Nos hustisia tambe ta un opheto di e personanan influyente aki kendenan por hasi loke nan kier.

Miedu, ta hopi siudadano tine den dje.
- Miedu pa ser kondena pa un simpel dilekto òf ku un di nan lo ser batí.
- Miedu pa sali na bista i asina hala muchu atenshon.
E poblashon tin miedu i esei no ta nada straño. Realmente no tin ningun instansia unda nos poblashon por dirigí su mes. Deklarashonnan/denunsionan ta disparsé i hasta ta ser usá kontra nan mes. E hurisdikshon ta basá riba hustisia di klase.

Asina nos tur ta ketu wardando riba un mihó tempu. Nos tin miedu, meskos ku e hendenan ku ta biba pa añas na por ehemplo Sicilie, kaminda e hendenan ta traha komo katibu pa e mafia. Kòrsou no ta nada mihó pasobra e siudadanonan tin miedu i ta hasi presis loke mafia ta bisa, komo si fuera ku ta katibu nan ta. Miedu di represayes, miedu di doló.

Sinembargo, si nos tur lanta huntu i anunsiá: "AWOR TA BASTA", e ora ei mafia i su polítika no por hasi nada. Pasobra e algun hefe mafioso ku awor ta manda no por hasi nada kontra un multitut grandi.

Ki dia nos no tin miedu mas?
Ki dia nos ta lanta pa nos libertat?

Huntu nos por alkansá esaki. Huntu sin miedu.


                    
                  
 
   
   
 
 
 
foto 2
 
 
   
   
   
 

Schrijf een E-mail naar onze partij

Email




Due to the many visitors on this website, we are experiencing some delays in answering. 
Your e-mail will be processed in the order it was received, but if you get no response to your e-mail within 3 days 
please write/submit again.

Copyrights © 1993 -2014 - John Baselmans, All rights reserved. Updated Daily